去完差館報到，就喺上環去左試呢間黃店，諸勝堂 -Katsudo- （上環分店）食物質素相當唔錯。
奶茶維持一貫茶餐廳水準，唔算特別驚喜，炒蛋用日本蛋整，都當然都比起連鎖茶記有味；而自從無食翠華（想當年雨傘佔領成日食）後，都好耐無食過奶油豬，今次呢個即烘奶油豬熱住咁送上嚟，的確係好食啲，
唔能夠唔提嘅，就係個鮮忌廉豬骨湯意粉真係相當高質！！！個湯底陣忌廉味相當濃，有陣陣奶香，又唔會出現豬骨還常見過鹹嘅情況，比起一般港式茶餐廳更有心思；個意粉都唔係嗰啲一浸落湯就軟瀨瀨，有咬口同唔會過淋，係整湯意粉嘅關鍵，值得翻兜再食。
#黃藍是政見
#好食是良知